Бүгін елордасы Нұр-Сұлтандағы «ASTANA POLYTECH» Жоғары колледжінің өкілдері АРЕС-ке арнайы келді.
Басты мақсат тәжірибе алмасып, қос колледж ұстаздары арасындағы іскерлік қарым-қатынасты нығайту.
Колледж басшысының міндетін атқарушы Шәкіржан ҚИШУҰЛЫ келген меймандарға оқу ордасын таныстырып, техникалық мүмкіндіктерді толық көрсетті.
Раушан ҚАЗБЕКҚЫЗЫ, «ASTANA POLYTECH» Жоғары колледжі директорының орынбасары:Біз кеше APEC Training Center ұймдастырған форумға қатыстық. Одан кейінгі мақсат АРЕС-ті көру еді. Мен осыдан 3 жыл бұрын Алматыда жүргенде «АРЕС PetroTechnic» туралы көп естейтінмін. Міне, бүгін соны көру бақыты бұйырды. Маған ең ұнағаны материалдық-техникалық базасы. Бұл жерде оқу да, жұмыс жасау да жаңға жайлы екен. Сондай-ақ, мамандар мен студенттердің ағылшын тілі деңгейі бірдей. Сабақ толығымен шет тілінде өтеді екен. Расында, АРЕС «Заманауи колледж» деген атқа сай.
Алдағы уақытта «ASTANA POLYTECH» пен «АРЕС PetroTechnic» Жоғары колледждер арасындағы іскерлік-достық қатынас нығайып, алып жобаларды бірлесіп атқаруды жоспарлап отыр.